Almatyda 12 jastaǵy Abylaıhannyń ólimine qatysty is qandaı satyda
ALMATY. KAZINFORM – Almatyda 12 jastaǵy Abylaıhan Erjanulynyń ólimine qatysty tergeý jalǵasyp jatyr.
Almaty qalasy Polıtsııa departamentiniń resmı ókili Saltanat Ázirbektiń aıtýynsha, qylmystyq is ázirge sotqa joldanǵan joq.
— Buǵan deıin habarlanǵandaı, adam óltirý faktisi boıynsha qylmystyq is qozǵalyp, kúdikti dereý ustaldy. Qazirgi ýaqytta tergeýdiń jan-jaqtylyǵyn jáne obektıvtiligin qamtamasyz etýge baǵyttalǵan tergeý sharalary júrgizilip jatyr. Sotqa deıingi tergep-tekserý aıasynda saraptamalyq zertteýlerdi ótkizýge ýaqyt qajet. Barlyq tergeý áreketteri aıaqtalǵannan keıin qylmystyq is materıaldary sotqa jiberiledi. Ázirge is óndiriste, — dedi Saltanat Ázirbek.
Eske salaıyq, bıyl 10 maýsymda Túrksib aýdanynda pyshaq jaraqatynan 12 jastaǵy jasóspirim kóz jumǵany belgili boldy. Kúdikti retinde 13 jastaǵy jasóspirim ustalǵan.
