Almatyda 12 myńnan astam jańa qoqys jáshigi ornatylady

ALMATY. KAZINFORM - Almatyda «Taza Qazaqstan» baǵdarlamasy aıasynda jańa qoqys jáshikterin ornatý bastaldy.

Алматыда 12 мыңнан астам жаңа қоқыс жәшігі орнатылады
Фото: Алматы әкімдігі

Almaty ákimdiginiń málimetine sáıkes, 2025 jyly Almatyda 12 036 jańa qoqys jáshigi ornatylady. Olardyń kólemi 80 jáne 120 lıtr. Bul jáshikter aýdan ákimdikteriniń ótinimi negizinde ornatylyp, qalanyń tazalyǵyn jaqsartýǵa arnalǵan. Qoqys jınaý barysyn jeńildetý úshin jáshikterdiń ishinde 120 lıtrlik polıetılen paketteri bolady.

Almatyda 12 myńnan astam jańa qoqys jáshigi ornatylady
Foto: Almaty ákimdigi

— Taldaý kórsetkendeı, qala kóshelerinde 40-60 lıtrlik qoldanystaǵy qoqys jáshikteri tez tolyp, qoqys máselesin ýshyqtyryp otyr. Osyǵan baılanysty, eskirgen jáshikterdi aýystyrý týraly sheshim qabyldandy, — dep habarlaıdy qala ákimdiginen.

Jalpy 80 lıtrlik qoqys jáshikteri saıabaqtar men skverlerde, sondaı-aq qalanyń negizgi kósheleri men magıstraldarǵa qoıylady. Al 120 lıtrlik tórtburyshty jáshikter halyq kóp jınalatyn oryndarǵa — aıaldamalarǵa, metro beketterge, jerústi jáne jerasty ótkelderine ornatylady.

Almatyda 12 myńnan astam jańa qoqys jáshigi ornatylady
Foto: Almaty ákimdigi

Eske salaıyq, buǵan deıin SQO-da qoqys úıindilerin joımaǵan aýyldyq okrýgterdiń 9 ákimi jazalanǵanyn jazǵanbyz.

Сейчас читают