Almatyda 12 myń adam tumaý men JRVI juqtyrǵan

ALMATY. KAZINFORM – Almatyda JRVI aýrýlary boıynsha epıdemıologııalyq jaǵdaı qalypty deńgeıde.

Almaty qalasy sanıtarııalyq-epıdemıologııalyq baqylaý departamentiniń málimetinshe, ótken aptada megapolıste JRVI-diń 12733 jaǵdaıy tirkelgen. 100 myń turǵynǵa shaqqanda - 542 adam. Bul onyń aldyndaǵy aptadaǵy kórsetkishten 3%-ǵa tómen. Syrqanttaǵan adamdardyń 60,5%-y balalar - 7709 jaǵdaı. 

- Qalanyń 161 mektebinde oqýshylar arasynda tumaýdyń 631 deregi tirkeldi. Bul kórsetkish shekti deńgeıden aspaıdy. Al A/H3N2 (gonkong tumaýy) tıpti vırýsynyń 83 rastalǵan jaǵdaıy tirkeldi. Sondaı-aq rınovırýs, paragrıpp, adenovırýs, maýsymdyq koronavırýs sııaqty basqa da tumaýǵa jatpaıtyn JRVI vırýstary aınalymda bar, - dep habarlady departamentten.

Eske salaıyq, SQO-da 215 adam «gonkong tumaýyn» juqtyrdy.