11 mıllıon jymqyrǵany úshin mektep dırektorynyń orynbasary men bas esepshi sottaldy
ALMATY. KAZINFORM — Almaly aýdanynyń prokýratýrasy mektepterdiń birin tekserý barysynda negizsiz jalaqy esepteý arqyly, bıýdjet qarajatyn jymqyrý faktisin anyqtady. Bul týraly Almaty qalasynyń prokýratýrasy málimdedi.
2019 jyldyń qańtar aıynan 2023 jyldyń tamyz aıyna deıingi kezeńde memlekettik qarajatty jymqyrý maqsatynda óziniń qyzmettik jaǵdaıyn paıdalana otyryp, bas býhgalter men dırektordyń sharýashylyq bólimi jónindegi orynbasary memlekettik bıýdjetten negizsiz tólemderdi júzege asyrǵan.
Nátıjesinde memleketke 11 mln. teńge kóleminde zalal kelgen.
Kináliler kommertsııalyq uıymdarda basshylyq laýazymdardy atqarý quqyǵynan aıyryla otyryp, 3 jylǵa bas bostandyǵynan aıyryldy.
Zalal tolyq kólemde óteldi. Úkim zańdy kúshine endi.
