Almatyda 10 jer telimi memleket muqtajyna alynady
ALMATY. KAZINFORM — Almaty kóshe uzartý jáne jol salý jumystary úshin jer telimderi májbúrli túrde alynady.
Almaty qalasy ákimdiginiń 2026 jylǵy 20 mamyrdaǵy № 2/195-672 qaýlysyna sáıkes, Tilendıev kóshesin uzartý úshin Alataý aýdany, «Darhan» shaǵyn aýdany, Taıqazan kóshesi, 8/1 mekenjaıynda ornalasqan 0,0436 ga jer ýchaskesi memleket muqtajyna alynady. Májbúrlep ıelikten shyǵarý merzimi 2027 jyldyń 31 jeltoqsanyna deıin belgilengen.
2026 jyldyń aqpan aıyndaǵy qaýlyǵa sáıkes, Tilendıev kóshesin Rysqulov dańǵylynan qala shekarasyna deıin uzartý úshin Alataý aýdanynda ornalasqan 92 jer ýchaskesi memleket muqtajyna alynatyn bolǵan.
Odan bóbek Almaty qalasy ákimdiginiń 2026 jylǵy 20 mamyrdaǵy № 2/195-673 qaýlysyna sáıkes, jol salý úshin Alataý aýdany, «Mádenıet» shaǵyn aýdanynda ornalasqan 9 jer telimi memleket muqtajyna alynady. Májbúrlep ıelikten shyǵarý merzimi — 2027 jyldyń 31 jeltoqsany.
«Qala jer ortalyǵy» zańnamada belgilengen tártippen menshik ıelerin habardar etedi. Al Jer qatynastary basqarmasy zańnamamen belgilengen tártippen jer ýchaskeleriniń menshik ıelerine ótemaqy tóleıdi. Jer telimderi satyp alynǵan soń, Jol ınfraqurylymyn damytý basqarmasynyń teńgerimine beriledi.
Eske salaıyq, buǵan deıin Alataý aýdanynyń Baýyrjan Momyshuly, Móńke bı, Farıza Ońǵarsynova kósheleri men Rysqulov dańǵylynyń qıylysynda jańa joldar salynatynyn jazǵanbyz. Bul jumystarǵa 67 mlrd teńge bólingen.
