Almatyda 10 tamyz kúni Abaıdyń 180 jyldyǵyna oraı birneshe kóshe jabylady

ALMATY. KAZINFORM – Abaı Qunanbaıulynyń 180 jyldyǵyna oraı Almatyda jyl sońyna deıin 120-dan astam is-shara ótkizý josparlanǵan.

Almaty ákimdiginiń málimetinshe, 10 tamyz kúni saǵat 09:00-den 11:00-ge deıin Almatyda kólik qozǵalysy myna kóshelerde ýaqytsha shekteledi:

• Abaı dańǵyly boıymen — Nazarbaev dańǵylynan Dostyq dańǵylyna deıin;
• Dostyq dańǵyly boıymen — Qurmanǵazy kóshesinen Sátbaev kóshesine deıin.

Shekteýler Abaı Qunanbaıulynyń eskertkishine gúl shoqtaryn qoıý rásimine baılanysty engiziledi.

- Qala turǵyndary men qonaqtaryn uly aqynnyń rýhyna taǵzym etý maqsatyndaǵy saltanatty rásimge qatysýǵa shaqyramyz. Іs-shara saǵat 10:00-de Respýblıka saraıynyń aldyndaǵy Abaı alańynda bastalady. Ýaqytsha qozǵalys ózgeristerin eskerip, jol júrý erejelerin saqtaýlaryńyzdy suraımyz, – dep habarlady Almaty qalasynyń ákimdigi.

Eske salaıyq, 10 tamyz kúni Djeı Lo kontsertine oraı saǵat 16:00-den bastap birneshe kóshe jabylady.