Almatyda 10 myńǵa jýyq páter men úı gazsyz otyr
ALMATY. KAZINFORM - Almatyda jeke tulǵalardyń is-áreketinen jerasty gaz qubyry zaqymdalǵan.
«QazaqGaz Aimaq» AQ málimetine sáıkes, 16 qańtar kúni belgisiz tulǵalar káriz qubyrlaryn júrgizý kezinde ortasha qysymdy jerasty gaz qubyryn zaqymdaǵan.
- Oqıǵa asfaltty tesý kezinde jeke tulǵalardyń kásibı emes áreketteri nátıjesinde boldy. Osyǵan baılanysty qazirgi ýaqytta «QazaqGaz Aimaq» AQ Almaty óndiristik fılıalynyń mamandary gaz qubyrynyń zaqymdalǵan ýchaskesinde avarııalyq-qalpyna keltirý jumystaryn jedel oryndaýǵa kiristi, - dep habarlady «QazaqGaz Aimaq» AQ baspasóz qyzmeti.
Avarııalyq-qalpyna keltirý jumystary kezinde kóp qabatty turǵyn úılerdegi 8048 páterge, jeke sektordaǵy 2543 úıge jáne 67 kommýnaldyq-turmystyq jáne ónerkásiptik kásiporynǵa gaz berý ýaqytsha toqtatylady.
Eske salaıyq, buǵan deıin Qostanaı turǵyndary ákimdikten sot arqyly úıine gaz qosýdy talap etkeninin jazǵanbyz.