Almatyda 10 kóshe qıylysynda «vafeldi» jol belgisi paıda boldy
ALMATY. KAZINFORM. Almatyda qaýipsizdikti arttyryp, keptelisti azaıtý maqsatynda jol qozǵalysyn retteýdiń jańa júıesi engizilip jatyr.
Almaty ákimdiginiń málimetinshe, qaladaǵy 10 kósheniń qıylysynda «vafeldi» jol belgisi salyndy. Bul arnaıy jol tory qıylystyń retteletin aımaǵyn kórsetip, júrgizýshilerdiń keptelis kezinde joldy bógep qalýynyń aldyn alady.
Belgi qaladaǵy myna qıylystarda paıda boldy:
• Abaı dańǵyly — Nazarbaev dańǵyly;
• Abaı dańǵyly — Masanchı kóshesi;
• Abaı dańǵyly — Brýsılovskıı kóshesi;
• Abaı dańǵyly — Momyshuly kóshesi;
• Abaı dańǵyly — Turǵyt Ozal kóshesi;
• Abylaı han dańǵyly — Bógenbaı batyr kóshesi;
• Sátbaev kóshesi — Naýryzbaı batyr kóshesi;
• Sátbaev kóshesi — Jarokov kóshesi;
• Jandosov kóshesi — Jarokov kóshesi;
• Rozybakıev kóshesi — Tóle bı kóshesi.
— Maqsat — júrgizýshiler tártibin arttyrý, jol-kólik oqıǵalary sanyn azaıtý, ásirese, júrginshiler men kólik úshin qarbalas ýaqytta qozǵalystyń úzdiksizdigin qamtamasyz etý. Pılottyq rejımde quqyq buzýdy tirkeıtin kameralar ornatylyp jatyr. Joba sátti júzege assa, ol qalanyń basqa da qıylystaryna qoıylady, — delingen habarlamada.
Eske salaıyq, buǵan deıin Almatyda bul tańba Abaı — Nazarbaev, Abaı — Momyshuly jáne Tóle bı — Rozybakıev kósheleriniń qıylystaryna syzylǵanyn habarlaǵan edik.