Almatyda 1-synypqa barǵan oqýshylardyń 57 paıyzy qazaq tilin tańdaǵan

ALMATY. KAZINFORM – Almatyda mektepterinde jańa oqý jylyna daıyndyq jumystary júrip jatyr. 

Qalalyq bilim basqarmasynyń málimetinshe, 20 tamyzdaǵy jaǵdaı boıynsha 1-synypqa 26 991 bala qabyldanǵan. Olardyń 57%-y oqýyn qazaq tilinde, 42%-y orys tilinde bastaıdy.

Vedomstvo basshysy Saıran Saıfedenov mekteptiń memlekettik tilde ne aralas (qazaq/orys) bolýy ata-analardyń suranysqa qaraı sheshiletinin atap ótti.

— 1-qyrkúıekte 12 mektepti ashamyz dep josparlap otyrmyz. Onyń 9-y memlekettik tilde bolady. Qalǵan úsheýi boıynsha oqytý tili qarastyrylyp jatyr. Áli tolyqtaı sheshim qabyldanǵan joq. Mektep ashylatyn kezde oqytý tilin tańdaý máselesi ata-analardyń suranysy men qajettilikke tikeleı baılanysty sheshiledi, — dedi ol.

Sonymen qatar bilim basqarmasynyń basshysy qazaq tilinde oqıtyn oqýshylar sany ózdiginen artyp kele jatqanyn atap ótti. Aıtýynsha, 1990 jyly qazaq tilinde 11 myń oqýshy bilim alsa, búginde olardyń sany 177 myńǵa jýyqtady.

Eske salaıyq, buǵan deıin Almatyda bıyl qansha jańa mektep ashylatynyn jazǵanbyz.