Almatyda 1 shildeden bastap qoǵamdyq kólikte qyzmet kórsetýdiń jańa tásili engiziledi

ALMATY. KAZINFORM – Bıyl 1 shildeden bastap megapolıstiń qoǵamdyq kólikterinde qyzmet kórsetýdiń jańa tásili engiziledi. Bul týraly Almaty qalasynyń ákimi Erbolat Dosaev aıtty.

Naýryzbaı aýdanynyń turǵyny halyqpen kezdesýge kelgen shahar basshysyna qoǵamdyq kólikterge qatysty usynys aıtty.

«Avtobýstar men trolleıbýstardyń ishinde otyrǵan erekshe qajettiligi bar adamdarǵa, qarttarǵa, júkti áıelderge jáne balalary bar jolaýshylarǵa oryn berýge shaqyratyn dybysty eskertýler qosý kerek dep oılaımyn», - dedi ol.

Erbolat Dosaev osy máselege qatysty jospar bar ekenin jetkizdi.

«1 shildege deıin qoǵamdyq kólikterdiń qyzmet kórsetýine jańa tásilder engizýdi josparlap otyrmyz. Qajetti ózgerister men tolyqtyrýlar bolady», - dedi qala basshysy.