Almatyda 1 naýryzdan bastap elektr energııasynyń tarıfteri ózgeredi
ALMATY. KAZINFORM - Naýryz aıynan bastap «Almaty elektr stantsııalary» AQ ınvestıtsııalyq baǵdarlamasyna engizilgen ózgertýler megapolıstegi jeke jáne zańdy tulǵalarǵa arnalǵan tarıfterge áser etedi.
Bul týraly óńirlik kommýnıkatsııalar qyzmetinde ótken baspasóz máslıhatynda QR Ulttyq ekonomıka mınıstrligi Tabıǵı monopolııalardy retteý komıtetiniń Almaty qalasy boıynsha departamentiniń basshysy Ásel Bódeneeva aıtty.
Spıkerdiń sózinshe, «Tarıfti ınvestıtsııalarǵa aıyrbastaý» baǵdarlamasyn iske asyrý 2029 jylǵa deıin kózdelgen. Bıyl kommýnaldyq qyzmetter tarıfteri ortasha eseppen 6%, halyq úshin shamamen 9 paıyzǵa ósedi.
Sonymen qatar, ol ózgerister Biryńǵaı satyp alýshy úlgisin engizý jáne qyzmetkerlerdiń jalaqysyn arttyrýdan turatynyn atap ótti.
Ortasha jetkizý tarıfi qosylǵan qun salyǵynsyz (QQS) 1 kVt saǵatqa elektr energııasynyń quny 28 teńge.
Al tutynýshylar sanattary boıynsha tarıfter kelesideı ózgeredi:
– azamattar úshin QQS-syz 10%-ǵa 25,55 teńge/kVtsaǵ deıin ósedi;
– zańdy tulǵalar úshin QQS-syz 11%-ǵa 29,73 teńge/kVtsaǵ deıin ósedi;
– bıýdjettik uıymdar úshin – QQS-syz 10%-ǵa 32,73 teńge/kVtsaǵ deıin tómendeıdi.
– ÁMAT (áleýmettik mańyzy bar azyq-túlik taýarlary) óndirýshileri úshin QQS-syz 28 teńge/kVtsaǵ.
«Elektr energııasyna tarıfterdi saralaýdy joıý jónindegi joba sheńberinde departament 8,7% mólsherinde kórsetkishke qol jetkizdi (ortasha kórsetkish pen halyq úshin tarıf arasyndaǵy alshaqtyq)», - dep tolyqtyrdy Ásel Bódeneeva.
