Almatyda 1 maýsymnan bastap elektr energııasynyń tarıfi ózgerýi múmkin

ALMATY. KAZINFORM – «AlmatyEnergoSbyt» kompanııasy Almaty qalasy men Almaty oblysynyń tutynýshylary úshin elektr energııasynyń shekti tarıfin kóterý týraly habarlady. 

Kompanııa elektr energııasynyń shekti baǵasyn kóterý týraly ótinim berdi. 

Ázirge bul túpkilikti sheshim emes – jańa tarıf tabıǵı monopolııalardy retteý organymen kelisilýi qajet.

Aldyn ala boljam boıynsha 1 kılovatt-saǵattyń quny qosylǵan qun salyǵyn (QQS) eseptemegende 38,66 teńge bolady. 

Tutyný kólemine qaraı usynylǵan shekti tarıfter (QQS-syz):

– Jeke tulǵalar úshin tarıf – 1 kılovatt-saǵatqa 29,52 teńge;

– Kommertsııalyq (beı turmystyq) tutynýshylar – 38,66 teńge;

– Bıýdjettik mekemeler – 111,72 teńge bolady. 

Sonymen qatar tutyný kólemine baılanysty dıfferentsıaldy tarıfter de ózgermek (QQS-syz):

– 1-deńgeı – elektr energııasynyń 1 kılovatt-saǵatyna tólenetin tarıf 26,80 teńge (qazir – 25,6 teńge);

– 2-deńgeı – 35,42 teńge (qazir – 33,11 teńge);

– 3-deńgeı – 44,28 teńge (qazir – 41,39 teńge).

– Shekti tarıftiń kelisilgen deńgeıi Tabıǵı monopolııalardy retteý komıtetiniń Almaty qalasy jáne Almaty oblysy boıynsha departamentiniń saraptamasynan keıin jarııalanady, - delingen kompanııa habarlamasynda.

Osyǵan deıin elimizde elektr jaryǵynyń shekti tarıfi ózgerýi múmkin ekeni týraly jazǵanbyz. 

Qazir Almatyda tutynýshylardyń elektr energııasy boıynsha qaryzy – 1,2 mlrd teńge.