Almatyda 1 mamyrdan bastap júrgizýshisiz 50 avtokólik taksı qyzmetin atqarady
ALMATY. KAZINFORM – Almaty damytý strategııasynda Smart City baǵytyna basymdyq berilgen. Bul týraly qalalyq tsıfrlandyrý basqarma basshysynyń orynbasary Meıram Dúısekov aıtty.
Onyń sózinshe, ıntellektýaldy kólik júıesin damytýǵa erekshe kóńil bólingen. Qazir Kólik holdıngi qoǵamdyq kóliktiń qozǵalysyn dıspetcherleý men baqylaýdy qamtamasyz etedi: avtobýstar beınekameramen, GPS-trekermen jabdyqtalǵan. ONAY qosymshasy arqyly biryńǵaı elektrondyq tólem júıesi jumys isteıdi. Aldaǵy ýaqytta bank kartalary arqyly, sondaı-aq Apple Pay men Samsung Pay servısteri arqyly jolaýshylarǵa yńǵaıly bolýy úshin tólemniń balama tásilin iske qosý josparlanyp otyr.
– 2026-2027 jyly qaladaǵy 1 188 aıaldamaǵa elektrondyq tablolar ornatylady. Intellektýaldy kólik júıesi de engizilip, keıin ol qalanyń tsıfrlyq egizimen biriktiriledi, - dedi ol.
Meıram Dúısekov júrgizýshisiz kólik baǵdarlamasyn pılottyq túrde iske qosý josparlanyp otyrǵanyn atap ótti. Aıtýynsha, Yandex Kazakhstan kompanııasymen birlesip, bıyl 1 mamyrda qala joldaryna júrgizýshisi joq 50 avtokólik shyǵarylady.
Eske salaıyq, buǵan deıin Astanada júrgizýshisiz taksı jobasyn iske qosý týraly memorandýmǵa qol qoıyldy.