Almatyda 1 mamyr merekesi qalaı toılanady
ALMATY. KAZINFORM – Almatyda 1 mamyr – Qazaqstan halqynyń birligi kúnine arnalǵan negizgi merekelik is-sharalar «Respýblıka saraıy» aldyndaǵy Abaı alańynda ótedi.
Almaty ákimdiginiń málimetinshe, Qazaqstan halqy Assambleıasynyń qoldaýymen 1 mamyrda Abaı alańynda «Bereke – birlikte» jalpyrespýblıkalyq aktsııasy aıasynda sý tasqynynan zardap shekkenderge gýmanıtarlyq kómek jınap, jetkizýge atsalysqan, kómektesken eriktilerdi, belsendi azamattardy, mádenıet qaıratkerlerin marapattaý rásimi ótedi.
Іs-shara tanymal shyǵarmashylyq ujymdar men etnomádenı birlestikterdiń kontserttik baǵdarlamasymen, qaıyrymdylyq aktsııalar, jármeńke, baıqaýlar jáne basqa da is-sharalarmen jalǵasady.
Saǵat 11:00-den 14:00-ge deıin Respýblıka saraıynyń aldynda qaıyrymdylyq jármeńkesi men gastro-festıval ótedi. 10-nan astam tanymal meıramhana qazaq, túrik, ózbek, koreı, nemis, qytaı, grýzın, orys, armıan, uıǵyr ulttarynyń ulttyq taǵamdaryn usynady.
Túsken qarajat sý tasqyny saldaryn joıý maqsatyna «Demeý Qazaqstan qory» korporatıvtik qoryna aýdarylady. Osylaısha, árbir qatysýshy tabıǵı apatqa ushyraǵan azamattarǵa kómektese alady.
Merekelik kontsertke etnomádenı birlestikterdiń shyǵarmashylyq ujymdary qatysady: «Agýgaı» ansambli, «Dervıshı» toby, Anjelıka Shaǵarova, «Naırı» ansambli, Abbos Qasymov ansambli ABBOS (Ózbekstan), Sıtora Nazarova, «Qazan nurlary» ansambli (Tatarstan), Rýmı men ıAnıs, «Bahar» kavkaz bı ansambli, «Elaman» dýeti (Qyrǵyzstan), Roman Kım, «Nam Son» ansambli men «MýzArt» toby.
Saǵat 18:00-den 21:00-ge deıin Abaı atyndaǵy alańda jeke kompanııanyń qarajaty esebinen Maxi Fest qaıyrymdylyq kontserti ótedi. Sahnada otandyq estrada juldyzdary: Aıqyn, Qanay, Ayree, KeshYOU toby, Ilhan Yqsan, Bekzat Qunanbaı, Sısıtaı, «Azııa» toby, Artýr Davletıarov, Áıgerim Qalaýbaeva, Ulanǵasyr Kamı men ALPHA toby óner kórsetedi.
Merekelik sharalar qalanyń basqa aýdandarynda da ótedi:
Naýryzbaı aýdanynda saǵat 11:00-de Shuǵyla shaǵyn aýdany 347 mekenjaıyndaǵy amfıteatrda, «Birligimiz jarasqan» kontserttik baǵdarlamasy, qazaq, uıǵyr, arab, ázirbaıjan, ýkraın, orys, úndi, tatar, ózbek, qytaı, koreı jáne túrik mádenıetteri ókilderiniń ulttyq taǵamdary, kıimderi men buıymdarynyń kórmesi ótedi. Sondaı-aq, sý tasqynynan zardap shekken óńirlerge kómek kórsetken belsendi azamattar marapattalady.
Jetisý aýdanyndaǵy Gúlder saıabaǵynda (Serikov, 2a) saǵat 11:00-de Mádenıet úıi men Oqýshylar úıiniń tárbıelenýshileri, «Damý bala» baǵdarlamasy boıynsha úıirmege qatysatyn balalardyń kontserti ótedi. Sondaı-aq aýdannyń etnomádenı birlestikteriniń qatysýymen Qazaqstan halyqtarynyń kórmesi uıymdastyrylady.
Áýezov aýdanynda saǵat 11:00-de Saryarqa skverinde «Gúlden, meniń Qazaqstanym!» uranymen stýdent-jastar, balalardyń qatysýymen eko-marsh ótedi. Sondaı-aq, sý tasqynynan zardap shekken óńirlerge kómek kórsetý úshin etnomádenı ókilderi qolónershileriniń qaıyrymdylyq kórmesi uıymdastyrylady.
Alataý aýdanynda saǵat 10:00-de «Alataý» ınnovatsııalyq shyǵarmashylyq ortalyǵynda merekelik kontsert pen taqyryptyq sýretter kórmesi ótedi. Sondaı-aq, sý tasqynynan zardap shekken óńirlerge kómek kórsetken belsendi azamattar marapattalady.
Túrksib aýdanynda saǵat 11:00-de Arbatta (Sholohov kóshesiniń qıylysy, Saýranbaev kóshesiniń boıy) Oqýshylar úıi kórkemóner ujymdarynyń qatysýymen kontserttik baǵdarlama men etnomádenı birlestikterdiń kórmesi ótedi.
Medeý aýdanynda Kóktóbe ortalyq alańynda saǵat 12:00-de «Almaty áýenderi» KMQK «Jasyl qalam – Almatym» jeke oryndaýshylarynyń kontserti ótedi. Jambyl atyndaǵy qazaq memlekettik akademııalyq fılarmonııasynda (Tóle bı kóshesi, 21) saǵat 15:00-de «Gúl Almaty – Flower Sity» ótedi.
Almaly aýdanynda Arbat alańynda saǵat 10:00-de sý tasqynynan zardap shekken óńirlerge kómek retinde qarajattyń bir bóligin bóle otyryp, qolónershiler jármeńkesi ótedi. Saǵat 12:00-de shyǵarmashylyq ujymdardyń qatysýymen kontserttik baǵdarlama bastalady.
Bostandyq aýdanynda «Atakent» KQKO aýmaǵynda «Almaty - bizdiń ortaq úıimiz» merekelik baǵdarlamasy bolady, onyń aıasynda etnomádenı birlestikterdiń kontserti men qaıyrymdylyq kórmesi ótedi. Qaıyrymdylyq jármeńkesinen túsken barlyq qarajat «Demeý Qazaqstan qory» qoryna aýdarylady.
