Almatyda 1 qazannan bastap sý tarıfteri ózgeredi
ALMATY. KAZINFORM — 1 qazannan bastap Almatyda sýmen jabdyqtaý jáne sý burý qyzmetterine jańa tarıf belgilenedi.
Jańa tarıfter tutynýshylar tobyna qaraı saralanady.
Jeke tulǵalar úshin sýmen jabdyqtaý tarıfi qosylǵan qun salyǵyn qosa alǵanda, tekshe metrine 178,06 teńge, al sý burý tarıfi 119,46 teńge bolady.
Bıznes pen zańdy tulǵalar úshin sý tarıfi — 362,18 teńge, sý burý tarıfi — 264,75 teńge. QQS-ty qosa alǵanda, jalpy tarıf — tekshe metrine 626,93 teńge.
Memlekettik uıymdar úshin sýmen jabdyqtaý tarıfi tekshe metrine 649,60 teńge, sý burý tarıfi 189,14 teńge bolyp belgilendi.
Sondaı-aq 1 qazannan bastap sý eseptegish quraldary joq tutynýshylar úshin tólem mólsheri ózgeredi.
Turǵyndar úshin turmystyq jáne sanıtarııalyq-gıgıenalyq qajettilikterge jumsalatyn sý tutyný tarıfi QQS-ty qosa alǵanda, bir adamǵa aıyna 2 670,90 teńgege jetedi. Tozyǵy jetken jáne apatty úılerde, sondaı-aq sý eseptegish quraldaryn ornatýǵa tehnıkalyq múmkindik joq jataqhanalarda turatyndar úshin tarıf 956,19 teńge bolady.
Sý eseptegish quraldary joq tutynýshylar úshin sýyq sýdy burý aqysy bir adamǵa aıyna 1 791,85 teńge, ystyq sýdy burý aqysy 376,29 teńge bolady.
Sondaı-aq jasyl jelekterdi, kógaldar men gúlzarlardy jáne basqa da nysandardy sýarýǵa arnalǵan tarıf belgilendi. Onyń mólsheri QQS-ty qosa alǵanda, sýarylatyn aýmaqtyń bir sharshy metri úshin aıyna 1 780,60 teńge.
«Almaty Sý» jańa tarıfter 2026 jylǵy 1 qazannan bastap qoldanysqa engiziletinin naqtylady.
Buǵan deıin Almatyda kommýnaldyq aqyly avtoturaqtardyń tarıfterin kólik júktemesine qaraı saralaý usynyldy.
