Almatyda 1-2 aqpanda birqatar kóshe ishinara jabylady

ALMATY. KAZINFORM – 1-2 aqpanda Almatyda Eýrazııalyq úkimetaralyq keńestiń otyrysy ótedi. Osyǵan baılanysty, birneshe kóshe ishinara jabylady. Bul týraly qalalyq polıtsııa departamenti málim etti.

Almaty qalasynda osy jyldyń 1-2 aqpanynda Qazaqstan, Armenııa, Belarýs, Qyrǵyzstan, Reseı úkimet basshylarynyń jáne Eýrazııalyq ekonomıkalyq komıssııa alqasy tóraǵasynyń qatysýymen Eýrazııalyq úkimetaralyq keńestiń otyrysy ótedi.

Sonymen qatar osy kúnderi megapolıste dástúrli túrde jyl saıynǵy Digital Almaty forýmy uıymdastyrylady. Osyǵan oraı, sharanyń aýqymy men kútiletin qonaqtardyń sanyn eskere otyryp, Almaty polıtsııa departamenti 1-2 aqpanda kólik qozǵalysyna ishinara shekteý qoıylatynyn habarlaıdy:

- 1 aqpanda ál-Farabı dańǵyly, Shyǵys aınalma avtomobıl joly, Qulja tas joly, Saın, Shalıapın, Maılın, Buqtyrma kósheleriniń aımaǵy jabylýy múmkin.

- 2 aqpan – ál-Farabı, Seıfýllın dańǵyldary, Saın, Jarokov, Shalıapın kóshelerine de ózgeris engiziledi.

Jol shekteýleri qoǵamdyq kólikterdiń jumysyna áser etpeıdi.

«Azamattardan ýaqytsha sharalarǵa túsinistikpen qaraýdy jáne keptelisterdi boldyrmaý úshin aldyn ala baǵyttaryn retteýdi suraımyz», - delingen habarlamada.