18:35, 08 Qarasha 2024 | GMT +5
Almaty zoobaǵyndaǵy kámshat janýarlary jańa volerge kóshirildi
ALMATY. KAZINFORM – Almaty zoobaǵyndaǵy kámshattar úlken basseıini bar keń volerge kóshirildi.
Bul janýarlar óte belsendi. Bir orynda turmaıdy, únemi qozǵalysta. Olar ásirese sýǵa túskendi jaqsy kóredi.
«Sýdan shyǵa sala bóreneden jasalǵan oryndarǵa baryp jaıǵasyp, az ýaqyttan keıin qaıta sýǵa túsedi. Olarda saýsaqtarynyń arasyn jalǵap turatyn teri qabaty bolady. Sonyń arqasynda sýda erkin júzedi. Kámshattarǵa sıyr etin, taýyq pen balyq beremiz», - delingen habarlamada.
Osyǵan deıin Almaty zoobaǵy ekzotıkalyq janýarmen tolyqqany týraly jazǵan edik.
Zoobaqta barlyǵy 370-ke jýyq janýardyń túri bar. Olar jyrtqysh sútqorektiler, tuıaqtylar, prımattar, jyrtqysh qustar, ekzotıkalyq qustar, ekzotarıým jáne akvarıým bólimderine bólingen.