Almaty zoobaǵynda birneshe nysan janyp ketti
ALMATY. KAZINFORM – Almaty haıýanattar baǵynda túngi ýaqytta órt shyqty.
Zoobaq baspasóz qyzmetiniń málimetinshe, 9 maýsym túngi saǵat 00:30-dan keıin haıýanattar baǵynyń aýmaǵynda ornalasqan, jalǵa alýshyǵa tıesili fotosalon býtıgi jáne onyń janynda ornalasqan ekskýrsııalyq golf-karlar órtke oranǵan.
– Oqıǵa ornyna órtke qarsy qyzmet bólimsheleri jedel kelip, olardyń úılesimdi jumysynyń arqasynda órt der kezinde oqshaýlanyp, tolyqtaı sóndirildi. Qazirgi ýaqytta órttiń shyǵý sebepteri ýákiletti organdar tarapynan anyqtalyp jatyr, - dep habarlady zoobaqtan.
Sondaı-aq atalǵan oqıǵa saldarynan haıýanattar baǵynyń múlkine zııan kelmegeni atap ótildi. Qyzmetkerler men janýarlar arasynda da zardap shekkender joq. Qazir Almaty haıýanattar baǵy qalypty rejımde jumysy istep jatyr.
Eske salaıyq, ótken jyly Almaty haıýanattar baǵynda 31 túrli janýardan 87 tól dúnıege keldi.
