Almaty zoobaǵynda bılet baǵasy ózgerdi

ALMATY. KAZINFORM – Búginnen bastap Almaty haıýanattar baǵyna kirý bıletteriniń baǵasy ózgerdi.

Endi zoobaqqa kirý úshin eresekterge 1 427 teńge, balalarǵa 562 teńge bolady. Buryn eresekterge bılet quny 800 teńge, al balalar 300 teńge bolatyn.

— Bul ózgerister zoobaqtyń bolashaǵyna arnalǵan ınvestıtsııa. Bizdiń aldymyzda — qoldanystaǵy qorshaýlardy rekonstrýktsııalaý jáne jańa, keń qorshaýlar salý, janýarlardy ustaý, ınfraqurylymy men jaǵdaılaryn jaqsartý, jańa ınteraktıvti, bilim berý baǵdarlamalaryn iske qosý jumystary kútip tur, — dep habarlady zoobaqtan.​

Sondaı-aq Almaty haıýanattar baǵy Uly Otan soǵysynyń ardagerlerine, múgedekterge jáne olarǵa teńestirilgen toptarǵa, zeınetkerler, kópbalaly analar, 7 jasqa deıingi balalar, jetim balalar jáne ata-anasynyń qamqorlyǵynsyz qalǵan 18 jasqa deıingi balalarǵa, qyzmettegi áskerı qyzmetshiler men áskerı akademııa kýrsanttaryna kirý tegin ekenin atap ótti.
​
Eske salaıyq, buǵan deıin Almaty zoobaǵyn jańǵyrtý jobasy ázirlenip jatqanyn jazǵanbyz.