Almaty zoobaǵynda bıyl 87 tól dúnıege keldi
ALMATY. KAZINFORM – Almaty haıýanattar baǵynda bıyl 31 túrli janýardan 87 tól alynǵan.
Veterınar dáriger ıÝlııa Dýdkınanyń aıtýynsha, olardyń arasynda amýr jolbarystary, aq qasqyrlar, kengýrý, lemýrlar, buǵylar men taýtekeler bar.
– Eń úlken qýanyshymyz – amýr jolbarystary jubynan eki jolbarys kúshikteriniń dúnıege kelýi. Bul nátıjege jetý úshin tórt jyl boıy júıeli túrde jumys istedik. Sonymen qatar bıyl eki jup aq qasqyr tóldedi – birinen úsh, ekinshisinen bir bóltirik týdy. Bul – Qazaqstan úshin sırek kezdesetin, erekshe qundy túrler, - dedi ıÝlııa Dýdkına Óńirlik kommýnıkatsııalar qyzmetinde ótken brıfıngte.
Baq ákimshiligi aldaǵy ýaqytta kollektsııany jańa ekzotıkalyq janýarlarmen tolyqtyrýdy josparlap otyr. Jaqyn arada AQSh-tan tamandýa men altyjolaqty kireýkeı, Kanadadan sileýsinder jetkizilmek. Al Almaty haıýanattar baǵy sátti kóbeıip jatqan aqquıryq búrkitterdi sheteldik áriptesterine tabystaıdy.
Kollektsııa jetekshisi Aıman Edgebaevanyń aıtýynsha Almaty haıýanattar baǵy jyrtqysh qustardy – saqaltaı, aq ıyqty jáne aq basty búrkitterdi, quzǵyndar men grıfterdi kóbeıtý isinde halyqaralyq deńgeıde tanymal.
– Amerıkalyq Timbavati Wildlife Park uıymy bizdiń baqta kýmaılardyń tabıǵı jolmen kóbeıip jatqanyn erekshe atap ótti. Bul – búkil álemdegi sırek jaǵdaı, - dedi Edgebaeva.
Qazir haıýanattar baǵyna jańa turǵyndar – týkandar, tsıvetter men gıbbondar kelip qosylǵan. Ekzotarıým da jańa túrlermen tolyqpaq – munda varandar, ıgýanalar men sırek kezdesetin jylandar ákelinbek.
Sondaı-aq, aq aıý – Pýrgaǵa arnalǵan volerdiń jańǵyrtý jumystary aıaqtalýǵa jaqyn. Aldaǵy ýaqytta oǵan halyqaralyq baǵdarlama aıasynda jup tańdalady. Bolashaqta barlyq volerler janýarlardyń tabıǵı mekendeý ortasyna barynsha uqsas jaǵdaı jasaý úshin qaıta jabdyqtalady.
Eske salaıyq, buǵan deıin Almaty zoobaǵynda 6 jastaǵy Bentlı men 5 jastaǵy Aıkı esimdi amýr jolbarystarynyń jubynan eki jolbarys kúshigi dúnıege kelgenin jazǵanbyz.