Almaty zoobaǵyna bıyl jarty mıllıonnan astam adam barǵan
ALMATY. KAZINFORM — 2026 jyldyń alǵashqy jartyjyldyǵynda Almaty haıýanattar baǵyna 561 983 adam bardy. Bul týraly qalalyq mádenıet basqarmasynyń ókilderi habarlady.
Vedomstvonyń málimetinshe, alty aı ishinde munda 62 ekskýrsııa, merekelik is-shara, ekologııalyq dárister jáne 150 bala bilim alatyn Zoomekteptiń sabaqtary ótkizildi.
— Haıýanattar baǵynyń qorynda janýarlardyń 386 túrine jatatyn 4 myńnan astam tól bar. Olardyń qatarynda Qazaqstannyń Qyzyl kitabyna jáne Tabıǵatty qorǵaýdyń halyqaralyq odaǵynyń Qyzyl tizimine engizilgen sırek túrler de kezdesedi, — delingen habarlamada.
Aıta keteıik, zoobaqqa jetim balalarǵa, erekshe qajettiligi bar balalarǵa jáne mamandandyrylǵan mekemeler tárbıelenýshilerine haıýanattar baǵyna tegin kirý múmkindigi qarastyrylǵan.
Eske salaıyq, buǵan deıin Almaty haıýanattar baǵynda kerqulannyń (Prjevalskıı jylqysy) Qurbankúl atty bıesi qulyndaǵanyn habarlaǵanbyz. Qulynǵa Jelmaıa dep at qoıyldy. Bul — Qurbankúldiń ekinshi tóli.
