Almaty zoobaǵyna qys bastalǵaly 300 jabaıy úırek ushyp kelgen
ALMATY. KAZINFORM - Almaty haıýanattar baǵyna qys bastalǵaly jabaıy úırekterdiń bir toby ushyp kelgen.
Qalalyq zoobaqtyń málimetinshe, jyl saıyn kún sýytqan ýaqytta haıýanattar baǵyna jabaı̆y úı̆rekter qystaýǵa ushyp keledi.
- Olardyń kóbi - 300-den astamy zoobaq aýmaǵyndaǵy kólshikke jınalady. Jańa dostardyń kelip qosylǵanyna Almaty haı̆ýanattar baǵyndaǵy aqqý, qazdar erekshe qýanady. Zoobaǵymyzdaǵy qustarmen qosa syrttan kelgen úı̆rekterdi qorekpen qamtamasyz etý úshin olarǵa dándi daqyldardy ádettegiden artyq beremiz.
Qustarǵa kúnine eki ýaqyt tamaq beriledi. Olar - jarma, suly, bıdaı̆, tary, sábiz, salat japyraǵy, qyryqqabatty súı̆sinip jeı̆di, - dep habarlady zoobaqtan.
Sondaı-aq Almaty haıýanattar baǵynyń baspasóz qyzmeti jabaıy úırekterge qatysty taǵy bir qyzyqty derekpen bólisti.
- Bir qyzyǵy, shashylǵan dánderdi aldymen ózimizdiń qustar jeı̆di. Syrttan kelgen úı̆rekter shydamdylyq tanytyp, kútip turady. Olar sýda júzip júrgen qustarymyzdyń artynan kelip, solardan keı̆in qorektenedi. Qonaqtarymyz - jabaı̆y úı̆rekter zoobaǵymyzda kóktemge deı̆in bolady, - deıdi Almaty zoobaǵynan.
Eske salaıyq, buǵan deıin Kólsaı kólderinde kúshikterin ertken qar barysy fototuzaqqa túsip qalǵanyn jazǵanbyz.