Almaty zoobaǵy Ońtústik Amerıkadan kelgen erekshe janýarmen tolyqty
ALMATY. KAZINFORM – Almaty haıýanattar baǵy jańa janýarmen tolyqqany týraly habarlady.
Zoobaq málimetinshe, munda buryn-sońdy bolmaǵan qyzyqty janýarlar juby ákelindi.
– Tamandýa – olardy taǵy tórt saýsaqty qumyrsqajegish dep ataıdy. Týǵan jeri – Ońtústik Amerıka, al eń jaqyn týystary – súırik jalqaýlar. Bizdiń tamandýa – Teo men Lara 2023 jylǵy sáýirde dúnıege kelgen. Tamandýa óte baýyrmal, oınaqy jáne belsendi. Tamaqtary – jándikter men arnaıy jem, ony olar uzyn jabysqaq tilderimen aýzyna jetkizedi, - dep habarlady haıýanattar baǵynyń baspasóz qyzmeti.
Erekshe janýarlar zoobaqtyń «Prımattar» pavılonyna ornalastyrylǵan.
Eske salaıyq, buǵan deıin Almaty zoobaǵynda kamerýn eshkileri tóldedi.
Sondaı-aq bıyl Almaty haıýanattar baǵynda bılet baǵasy qymbattady.