Almaty zoobaǵy Gımalaı qonjyqtaryna qandaı at qoıdy

ALMATY. KAZINFORM – Zoobaqtaǵy Gımalaı aıýynyń qonjyqtaryna «Aısar» jáne «Talas» degen at qoıyldy. 

«Aısar (sar – myqty, kúshti) «aı sııaqty myqty» degen maǵynany bildiredi, ári onyń kúshi men keremettigin beıneleıdi. Onyń esimi túngi aspandaǵy aı sııaqty kúshtilik pen turaqtylyqty kórsetedi. Talas – Qazaqstandaǵy ózenniń aty. Aǵyndy jáne úzdiksiz qozǵalysty bildiredi. Bul esim tabıǵattyń kúshin jáne ǵumyrly ekenin kórsetedi», - dep habarlady zoobaqtyń baspasóz qyzmeti. 

Osyǵan deıin Tıan-Shanniń aq tyrnaqty aıýlary – Gerda men Qurmanbek juby eki qonjyqty ómirge ákelgeni týraly jazǵan edik. 

Keıin Almaty zoobaǵy Gımalaı qonjyqtaryna at qoıý úshin baıqaý jarııalady.