Almaty zoobaǵy Gımalaı qonjyqtaryna at qoıý úshin baıqaý jarııalady
ALMATY. KAZINFORM – Almaty zoobaǵynda dúnıege kelgen qonjyqtardy kópshilik kórýge múmkindik aldy.
Almaty zoobaǵynyń baspasóz qyzmetinen habarlaǵandaı, qos qonjyqqa at qoıý úshin áleýmettik jeli arqyly usynystar qabyldanady.
«Bizde tamasha jańalyq bar: bizdiń gımalaılyq qonjyqtarymyz ósip, symbatty bolyp keledi. Olardyń damyp, ósip kele jatqanyna qatty qýanyshtymyz. Endi biz sizderdiń pikirlerińizdi bilgimiz keledi. Sizderdiń oılaryńyzsha, bizdiń kishkentaı súıkimdi dostarymyzǵa qandaı attar laıyqty. Pikirlerińizben bólisińizder, eń qyzyqty usynystardy mindetti túrde qarastyramyz», - delingen zoobaq ókilderi taratqan aqparatta.
Osyǵan deıin Tıan-Shanniń aq tyrnaqty aıýlary — Gerda men Qurmanbek juby eki qonjyqty ómirge ákelgeni týraly jazǵan edik.
