Almaty zırattarynda oryn taýsyldy ma — ákimdik jaýaby

  ALMATY. KAZINFORM — Almatyda 70 zırat bar, onyń ishinde 9-y ashyq, al 61-i jabylǵan.

Almaty ákimdiginiń málimetinshe, qazirgi tańda ashyq zırattarda shamamen 60 gektar bos alań bar. Bul aldaǵy 6–7 jylǵa jetkilikti.

— Almatyda zırattar uıymdastyrýǵa arnalǵan jer telimderimen qamtamasyz etý máselesi baqylaýda tur jáne kezeń-kezeńimen josparly túrde sheshilip keledi. Sonymen qatar Almaty aglomeratsııasyn damytý boıynsha josparly jumys júrgizilip jatyr. Almaty oblysymen birlese otyryp, balama jer telimderi anyqtalady. Qazirgi ýaqytta jerlerdi memlekettik menshikke rásimdeý boıynsha qajetti protsedýralar júrgizilýde, — dep habarlady ákimdikten.

Eske salaıyq, buǵan deıin Almatyda jerleýdiń elektrondyq bazasy ázirlenip jatqanyn jazǵanbyz.

Sondaı-aq Almatyda tarıhı tulǵalardyń zırattary tsıfrlyq kartaǵa engizilgenin jazǵan edik.