Almaty júrgizýshilerine eskertý: Raıymbek dańǵylynda BRT qurylysy bastalady
ALMATY. KAZINFORM – Bul týraly Almaty qalasynyń ákimdigi habarlady.
Joba kóshe keńistigin tolyq qamtyp, ǵımarattan ǵımaratqa deıingi aralyqty – jol, trotýar, jasyl aımaq pen ǵımarattardyń qasbetin tolyǵymen qaıta jańǵyrtýdy kózdeıdi. BRT jobamy úsh bólikke bólingen.
Atap aıtqanda:
1. Pýshkın kóshesi – Seıfýllın dańǵyly (1,8 km);
2. Seıfýllın dańǵyly – Ahrımenko kóshesi (7,2 km);
3. Ahrımenko kóshesi – Altyn Orda (7,5 km).
Qurylys jumystaryn eki merdiger kompanııa júrgizedi. Birinshi jáne ekinshi ýchaskede – «Kazahdorstroı» JShS, al úshinshi ýchaskede – «Progress KZ» JShS.
BRT qurylysy boıynsha birinshi kezeńde sáýir aıynyń sońynan maýsym aıyna deıin qurylys-montajdaý jumystary júrgiziledi. Bul ýaqytta bir shetki oń jaq jolaq ýaqytsha jabylady, al ár baǵytta úsh jolaqpen qozǵalys saqtalady.
Ekinshi kezeń, ıaǵnı maýsym aıynan bastap jańa asfalt tóselip, jol tańbalary syzylyp, baǵdarshamdar jańartylady. Sonymen qatar trotýarlar, jasyl aımaqtar, velosıped joldary, balalar jáne sport alańdaryn kóriktendirý bastalady.Osy kezde reversıvti qozǵalys uıymdastyrylady.
– Jóndeý jumystary kezeńinde ýaqytsha aıaldamalar qoıylady. Olar negizgi marshrýttarǵa barynsha jaqyn ornalastyrylady, - dep habarlady ákimdikten.
Negizgi jumystardy 2025 jyldyń sońyna deıin aıaqtaý josparlanyp otyr.
Eske salaıyq, buǵan deıin Almatyda BRT jelisiniń jalpy uzyndyǵy qansha bolatynyn jazǵanbyz.