Almatyda joıqyn jer silkinisi bolmaıdy – seısmologter
ALMATY. KAZINFORM – Seısmologtar 4 jeltoqsandaǵy jer silkinisinen keıin Almatydaǵy qazirgi ahýal týraly aıtty.
Seısmologııalyq baıqaý jáne zertteýler ulttyq ǵylymı ortalyǵy dırektorynyń ǵylym jónindegi orynbasary Erik Álipulynyń sózinshe, qazirgi ýaqytta seısmıkalyq ahýal turaqty.
– 2025 jylǵy 4 jeltoqsan saǵat 15:00-degi jaǵdaı boıynsha Almaty boljaý polıgonynda seısmıkalyq jaǵdaı turaqty ekenin atap ótemiz. Almaty boljamdy polıgony aýmaǵynda MSK-64 shkalasy boıynsha qatty jer silkinisi bolmaıdy, - dedi ol.
Eske salaıyq, Almatyda búgin, 4 jeltoqsanda jer silkindi.
Jer asty dúmpýiniń oshaǵy Almatydan ońtústik-shyǵysqa qaraı 277 shaqyrym qashyqtyqta, Qytaı aýmaǵynda jatyr. Almatyda dúmpýler MSK-64 shkalasy boıynsha 3 ball deńgeıinde sezildi.
Almaty ákimdigi barlyq habarlandyrý júıesi shtattyq rejımde jumys istegenin habarlady.
Almaty tótenshe jaǵdaılar departamenti ókilderi qalada tirkelgen jer silkinisine qatysty túsinik berdi.
Kazinform agenttigi tilshisi qala men oblys mektepteriniń tótenshe jaǵdaıǵa baılanysty jumysy toqtamaǵanyn bildi.