Almaty jylý jelileriniń ınspektorlary beınetirkeýishpen qamtyldy
ALMATY. KAZINFORM — Almaty jylý jelileri tutynýshylarmen ózara is-qımyl kezinde jylý ınspektsııasynyń jumysyn jaqsartý úshin nysandardy tekserý kezinde beınetirkeýishterdi qoldana bastady.
Mekeme málimetinshe, bul bastama ınjenerler jumysynyń dáldigi men tıimdiligin arttyrýǵa, sondaı-aq derekterdi jınaýdy ońtaılandyrýǵa baǵyttalǵan.
Beıne jetondardy engizý — bul kúndelikti jumys barysynda úderisterdi tsıfrlandyrý men ashyqtyqty arttyrýǵa jasalǵan qadam.
«Kásipornymyzda ınjenerlerdiń jumys tıimdiligi men ashyqtyǵyn arttyrý maqsatynda beınetirkeýishter engizildi. Bul qurylǵylar nysandardy tekserý kezinde jumys barysyndaǵy mańyzdy sátterdi tirkep, oryndalǵan tapsyrmalardy baqylaýǵa, sondaı-aq kásiporyn standarttarynyń saqtalýyn qadaǵalaýǵa múmkindik beredi», — dep atap ótti «Almaty jylý jelileri» JShS ókilderi.
Sondaı-aq beınetirkeýishter ınjenerlerge aqparatty naqty ýaqyt rejıminde jedel berýge, derekter arhıvin qurýǵa jáne sapany baqylaýǵa kómektesedi. Bul qurylǵylar yqtımal máselelerdi anyqtaý men shtattan tys jaǵdaılardyń aldyn alýǵa arnalǵan mańyzdy qural bolmaq.
«Bul sheshim óziniń tıimdiligin dáleldedi: beınetirkeýishter qyzmet kórsetý sapasyn arttyryp, qatelikter yqtımaldyǵyn tómendetedi jáne daýly máselelerdi sheshýge kómektesedi. Beınejazba jaǵdaıdy obektıvti túrde qaraýǵa jáne sybaılas jemqorlyqtyń aldyn alady», — dedi jylý ınspektsııasynyń basshysy Marjan Balbaeva.
Almaty jylý jelilerinen atap ótkendeı, tsıfrlyq tehnologııa jylý ınspektsııasy qyzmetkerleriniń jumys tıimdiligin arttyryp, jemqorlyq táýekelderin azaıtady.
Osyǵan deıin Almatyda 6 shaqyrymǵa jýyq jylý jelisiniń jańartylǵany týraly jazǵan edik.
