Almaty JEO-2 gazǵa aýysýy: zııandy zattardyń atmosferaǵa shyǵýy 8,5 ese azaıady
ALMATY. KAZINFORM – Almatyda ótken qalalyq máslıhatynyń kezekten tys XXVII sessııasy kezinde JEO-2-niń gazǵa aýystyrý jumystary qashan aıaqtalatyny aıtyldy.
Sessııa barysynda Almaty qalasy Energetıka jáne sýmen jabdyqtaý basqarma basshysynyń mindetin atqarýshy Nurbaqyt Serikbaı JEO-2 gazǵa aýystyrylýy tehnıkalyq jáne ekologııalyq ahýaldyń jaqsarýyna ákeletinin aıtty.
- Ekologııalyq turǵydan atmosferaǵa tastalatyn zııandy zattardyń 8,5 ese tómendeýine áser etedi. Tehnıkalyq turǵydan JEO-2 jáne ózge de ınfraqurylym elementteriniń jańartylýy tozǵan jylý jelileriniń úlesin azaıtýǵa kómektesedi. Eger ony iske asyrý ýaqytyna kelsek, joba qarqyndy túrde júzege asyrylyp jatyr. Jospar boıynsha jumys tolyǵymen 2026 jyldyń sońynda aıaqtalady, - dedi Nurbaqyt Serikbaı.
Sondaı-aq ol JEO-2 gazǵa aýystyrylǵannan keıin JEO-1 men JEO-2-de bý-gaz tehnologııasy engiziletinin atap ótti. Onyń aıtýynsha, bul elektr qýatyn óndirýdi aıtarlyqtaı arttyrady jáne soǵan saı gaz tutyný kólemi de ulǵaıady.
Eske salaıyq, buǵan deıin Almatydaǵy JEO gazǵa kóshirý máselesi qalaı júrgizilip jatqanyn jazǵanbyz.