«Almaty jastary» baǵdarlamasyna 1 maýsymnan bastap ótinim qabyldanady
ALMATY. KAZINFORM – Almatyda jastarǵa arnalǵan jeńildetilgen turǵyn úı nesıesin usynatyn «Almaty jastary» baǵdarlamasyna bıyl 1-15 maýsym aralyǵynda ótinim qabyldanady.
Kommýnaldyq ınfraqurylymdy damytý jáne turǵyn úı ınspektsııasy basqarmasynyń málimetinshe, ótinimdi kezekte.kz portalyndaǵy «Turǵyn úı servısteri» bóliminde ornalasqan «Almaty Jastary» servısi arqyly 1 maýsym saǵat 09:00-den 15 maýsym saǵat 18:00-ge deıin joldaýǵa bolady. Júıege kirý úshin elektrondyq tsıfrlyq qoltańba (ETsQ) qajet.
Baǵdarlama aıasynda qatysýshylarǵa mynandaı múmkindikter usynylady:
– nesıe kólemi 20 mıllıon teńgege deıin;
– jyldyq mólsherleme – 5%;
– bastapqy jarna – 10%;
– bastapqy jáne qaıtalama naryqtan baspana satyp alýǵa múmkindik beriledi.
Jobaǵa Almaty qalasynda turatyn 35 jasqa deıingi jastar qatysa alady.
Qatysýshylarǵa qoıylatyn negizgi talaptar:
– Almaty qalasynda keminde bir jyl turaqty tirkeýde bolý;
– keıingi bes jylda úmitkerdiń jáne onyń otbasy músheleriniń atynda turǵyn úıdiń bolmaýy;
– Almatyda keminde alty aı resmı jumys ótili men mindetti zeınetaqy aýdarymdarynyń bolýy.
Baǵdarlama densaýlyq saqtaý, bilim berý, mádenıet, sport salalarynyń qyzmetkerlerine, JOO men ǵylymı-zertteý ınstıtýttarynyń mamandaryna, jýrnalısterge, áleýmettik sala ókilderine, quqyq qorǵaý organdary men kommýnaldyq qyzmet qyzmetkerlerine, sondaı-aq «Jumys isteıtin jastar» baǵdarlamasynyń jalǵa alýshylaryna arnalǵan.
Baǵdarlama týraly tolyq aqparatty kezekte.kz saıtyndaǵy «Turǵyn úı servısteri» bóliminen tabýǵa bolady. Baılanys telefony: +7 (727) 225-14-57.
Eske salaıyq, 2025 jyldan bastap «Almaty jastary» turǵyn úı baǵdarlamasy boıynsha nesıelendirý mólsheri 18 mln teńgeden 20 mln teńgege deıin ulǵaıtyldy.
