«Almaty jastary» baǵdarlamasy boıynsha qosymsha irikteý bolady
ALMATY. KAZINFORM - «Almaty jastary» jeńildetilgen nesıeleý baǵdarlamasy boıynsha ótinimderdi qosymsha irikteý kezeńi ótedi.
Іrikteýdiń bul kezeńi bıyl 29 shildeden 7 tamyzǵa deıin negizgi konkýrstyq kezeńde ótinim bergen, biraq qujattardy durys toltyrmaý nemese durys tapsyrmaý sebebinen oń sheshim almaǵan azamattarǵa ǵana qoljetimdi bolady.
Ótinim jiberýshiler týraly aqparat almaty-zhastary2024.kz saıtynyń basty betinde - «Qaıta óńdeýge jiberilgen azamattar tizimi» bóliminde qoljetimdi. Qujattarǵa túzetýler men jańartýlar engizý kezeńi 2024 jylǵy 23-31 jeltoqsan aralyǵyna belgilengen.
Qosymsha túsiniktemeler men konsýltatsııalar alý úshin azamattar Almaty qalasynyń kommýnaldyq ınfraqurylymdy damytý basqarmasynyń +7 (727) 225 14 57 kóparnaly telefony arqyly júgine alady.
Eske salaıyq, buǵan deıin «Almaty jastaryna» ótinim bergen 2 myńǵa jýyq jas baspanaly boldy.
2025 jyly «Almaty jastary» baǵdarlamasymen úı alatyn jastar sany kóbeıetinin jazǵanbyz.