«Almaty Jastary» baǵdarlamasy boıynsha 759 ótinim maquldandy
ALMATY. KAZINFORM – Almaty qalasy kommýnaldyq ınfraqurylymdy damytý basqarmasy 2024 jyldyń 29 shildesi men 7 tamyzy aralyǵynda ótken «Almaty jastary» baǵdarlamasynyń qosymsha kezeńi qorytyndylandy.
Basqarmadan málim etkendeı, 2 757 qatysýshy ótinimderdi óńdeýge ruqsat aldy, onyń ishinde 1 872 kelesi baǵyttar boıynsha qujattardy tapsyrdy:
* densaýlyq saqtaý – 456,
* bilim berý – 773,
* mádenıet – 95,
* sport – 23,
* JOO jáne ǴZI – 196,
* BAQ – 40,
* áleýmettik sala – 75,
* kommýnaldyq qyzmetter – 139,
* jumys isteıtin jastar – 75.
Muqııat qarastyrýdan keıin 759 ótinim maquldandy:
* densaýlyq saqtaý – 210,
* bilim berý – 332,
* mádenıet – 24,
* sport – 3,
* JOO jáne ǴZI – 74,
* BAQ – 22,
* áleýmettik sala – 18,
* kommýnaldyq qyzmetter – 56,
* jumys isteıtin jastar – 20.
Onyń ishinde eń joǵary ball jınaǵan 183 qatysýshy tólem qabiletin rastaý úshin joldama alady.
Joldama alǵan qatysýshylar 15 jumys kúni ishinde «Otbasy bank» AQ-nyń kez kelgen qyzmet kórsetý ortalyǵyna júginýge tıis. Tólem qabiletin rastaǵan soń olar 45 kúntizbelik kún ishinde bastapqy nemese qaıtalama naryqtan turǵyn úı tańdaı alady.
Qalǵan 576 qatysýshy alǵashqy úmitkerlerdiń tólem qabiletin rastaý merzimi aıaqtalǵanǵa deıin rezervke engizildi.
Turǵyn úı, zeınetaqy aýdarymdary jáne basqa da qajetti anyqtamalardyń bolmaýynan 1113 ótinim qabyldanbady.
Osyǵan deıin «Almaty jastary» jeńildetilgen nesıeleý baǵdarlamasy boıynsha ótinimderdi qosymsha irikteý kezeńi ótetini týraly jazǵan edik.
2025 jyly «Almaty jastary» baǵdarlamasymen úı alatyn jastar sany kóbeıetinin jazǵanbyz.