«Almaty jastary» baǵdarlamasy aıasynda 55 jasqa ıpotekalyq nesıe beriletin boldy

«Almaty jastary» baǵdarlamasy boıynsha jastarǵa 2023 jyldyń sońyna deıin 55 ıpotekalyq nesıe beriledi. Bul týraly máslıhattyń kezekten tys XI sessııasynda Qarjy basqarmasynyń basshysy Qanat Sýhambekov málim etti, dep habarlaıdy Kazinform.

«Bıýdjetten qosymsha 965 mln teńge bólinedi. Bul áleýmettik, quqyq qorǵaý, kommýnaldyq jáne basqa da salalarda eńbek etetin jas azamattar úshin qosymsha 55 ıpotekalyq qaryz berýge múmkindik beredi», - dedi Qanat Sýhambekov.

Bıyl «Almaty jastary» jeńildetilgen turǵyn úı nesıeleý baǵdarlamasyna qatysýǵa 11 104 adam ótinish tústi.

Aıta keteıik, «Almaty jastary» baǵdarlamasyna qatysý úshin qalada turaqty tirkelý mindetti emes.