Almaty jańa jyldy «Taza Qazaqstan» aktsııasymen bastady

ASTANA. KAZINFORM — Almatyda jańa jyldyq kontsert aıaqtala salysymen «Taza Qazaqstan» aktsııasy ótti, dep habarlaıdy qala ákimdiginiń baspasóz qyzmeti.

Kommýnaldyq qyzmetter aýmaqty jedel tazalap, alańdar men kóshelerden qoqys jınap, qoǵamdyq oryndardy retke keltirdi.

Aktsııaǵa merekelik kontsertti tamashalaýǵa kelgen kórermender de qosyldy. Qala turǵyndary tazalyq pen tártipti saqtaýǵa óz úlesterin qosty.

«Taza Qazaqstan» bastamasy Almatynyń jańa jyldy merekelik kóńil kúımen qatar, qalalyq ortaǵa degen jaýapty kózqaraspen bastaǵanyn kórsetti.

Budan buryn Almatynyń 8 aýdanynda Jańa jylǵa arnalǵan is-sharalar ótti. Onyń ishinde basty merekelik kontsert Astana alańynda bolǵanyn jazǵanbyz.