Almaty zańsyz salynǵan 4 qabatty ǵımarat buzylady
ALMATY. KAZINFORM — Almatyda kezekti zańsyz nysan sot sheshimimen buzylyp jatyr.
Qala qurylysyn baqylaý basqarmasynyń málimetinshe, Núsipbekov kóshesi, 51 mekenjaıynda ornalasqan tórt qabatty zańsyz ǵımarat buzylyp jatyr.
Buǵan deıin nysan ıesine qatysty ákimshilik sharalar qabyldanyp, ǵımaratty óz erkimen buzý týraly nusqama berilgen. Alaıda nusqama talaptary oryndalmaǵan.
2025 jyly 8 mamyrda Almaty qalasynyń mamandandyrylǵan aýdanaralyq ekonomıkalyq soty qala qurylysyn baqylaý basqarmasynyń talap-aryzyn qanaǵattandyryp, nysandy buzý týraly sheshim shyǵardy.
— Sot sheshimi oryndalýy úshin Ádilet departamentine joldanǵan. Búgin sot oryndaýshylarynyń qatysýymen nysandy buzý jumystary bastaldy, — dep habarlady vedomstvo.
Eske salaıyq, 2025 jyly Almatyda zańsyz salynǵan 42 nysan buzyldy.