Almaty vokzalynda jolaýshylardyń mazasyn alǵan saýdagerler jazalandy
ALMATY. KAZINFORM — Kólik polıtseıleri Almaty-1 stantsııasynda azamattarǵa tıisý jáne zańsyz kásipkerlik faktilerin anyqtady.
Kóliktegi polıtsııa departamentiniń málimetinshe, temirjol vokzalynyń aýmaǵynda 48 jáne 52 jastaǵy eki turǵyn kútý zalynda jolaýshylarǵa saqtaý kamerasy qyzmetin paıdalanýdy usynyp, adamdardyń mazasyn alǵan. Sondaı-aq tekserý barysynda atalǵan azamattardyń tıisti tirkeýsiz jáne ruqsat qujattarynsyz kásipkerlik qyzmetpen aınalysqany anyqtaldy.
— Jasalǵan quqyq buzýshylyqtar úshin olar birden eki bap boıynsha, ıaǵnı qoǵamdyq oryndarda azamattarǵa tıisý jáne zańsyz kásipkerlik úshin ákimshilik jaýapkershilikke tartylyp, 10 AEK mólsherinde aıyppul salyndy. Sonymen qatar, zańsyz kásipkerlik faktisi boıynsha materıal protsessýaldyq sheshim qabyldaý úshin sotqa joldandy, — dep habarlady departamentten.
Eske salaıyq, 2026 jyldyń basynan beri kóliktegi polıtseıleri 34 myńǵa jýyq ákimshilik quqyq buzýshylyq anyqtalǵan. Onyń ishinde 2 678 — qoǵamdyq oryndarda tıisý faktisi, 2 405 — alkogoldik ishimdikterdi ishý nemese qoǵamdyq oryndarǵa mas kúıde kelý, 1 201 — ortaq paıdalanylatyn oryndardy lastaý jáne 20 — tıisti tirkeýsiz kásipkerlik qyzmetpen aınalysý derekteri tirkelgen.
Buǵan deıin Almaty-1 vokzaly júk bólimshesiniń qyzmetkerlerine is qozǵalǵanyn jazǵanbyz.
