Almaty TJD órt qaýipsizdigine baılanysty jedel jelini iske qosty
ALMATY. KAZINFORM – Almaty qalasynyń Tótenshe jaǵdaılar departamenti turǵyndarǵa úndeý jasady.
Departament málimetinshe, halyqtyń habardarlyǵyn arttyrý jáne azamattarǵa keńes berý maqsatynda jańa jeli jumysyn bastady.
- Almaty qalasynyń Tótenshe jaǵdaılar departamenti jylytý kezeńindegi órt qaýipsizdigi máseleleri boıynsha jedel jelini iske qosty. Endi kez kelgen azamat órt qaýipsizdigi salasynyń mamanynan keńes ala alady, - delingen málimdemede.
Jedel jeliniń jumys ýaqyty: jumys kúnderi saǵat 09:00-den 18:30-ǵa deıin (túski úzilis saǵat 13:00-den 14:30-ǵa deıin). Telefon: 8 (727) 279 91 93.
Eske salaıyq, buǵan deıin Almatyda jylytý maýsymy qarsańynda jedel shtab ashyldy. Almatynyń kommýnaldyq ınfraqurylym jáne turǵyn úı ınspektsııasy basqarmasy jylý bolmaǵan, sý aqqan nemese aqaý týyndaǵan jaǵdaıda turǵyndar 109 jedel jelisine, 225-14-31 nómiri boıynsha Biryńǵaı dıspetcherlik ortalyqqa, sondaı-aq kóppáterli turǵyn úılerdi basqarý organdaryna júginýge keńes berdi.
Sondaı-aq jylý berilgen turǵyn úıde páter jylymasa, qaıda júginý kerek ekenin jazǵanbyz.
