Almaty týrnırinde Aleksandr Shevchenko Mıhaıl Kýkýshkındi utty

ALMATY. KAZINFORM – Qazaqstannyń ekinshi, álemniń 61-raketkasy Aleksandr Shevchenko Almaty ATP 250 týrnıriniń ekinshi aınalymyna ótti.

Qazaqstandyq tennısshi alǵashqy aınalymda jarysqa irikteý saıystarynan keıin qosylǵan otandasy, reıtıngide 111-orynda turǵan Mıhaıl Kýkýshkınmen synǵa tústi.

Qos qazaqstandyq tennısshiniń kezdesýi eki taı-breıkte sheshildi – 7:6 (7:5), 7:6 (7:4). Jeńis Shevchenkonyń enshisinde ketti.

Eki saǵat 23 mınýtqa sozylǵan tartysty báseke barysynda Shevchenko 8 eıs jasap, 10 breık-poınttyń ekeýin óz esebine jazdy. Kýkýshkın 4 eıs, 2 breıkpen (4 breık-poınt) kózge tústi.

Aleksandr Shevchenko shırek fınalǵa shyǵý úshin reıtıngide 139-satydaǵy reseılik Aslan Karatsevpen talasady.

Eske sala keteıik, budan buryn Beıbit Juqaevtyń Almaty týrnırinde alǵashqy jeńisine qol jetkizgenin jazǵan bolatynbyz.