Almatyda týrısterge arnalǵan qosymsha iske qosylady: ne belgili
ALMATY. KAZINFORM — Almatyda qalanyń taý klasterin damytý máseleleri boıynsha keńeıtilgen keńestiń otyrysy ótti.
Іs-shara barysynda qalalyq týrızm basqarmasynyń basshysy Ǵalııa Toqseıitova tsıfrlandyrý jyly aıasynda jańa usynystar boıynsha belsendi jumys júrgizilip jatqanyn aıtty. Onyń sózinshe, qazir megapolıste pılottyq rejımde Smart Tourist jańa qosymshasy iske qosylǵan.
— Bul týrısterge arnalǵan barlyq qyzmetti biriktiretin biryńǵaı platforma. Bir jerden ártúrli mádenı oryndarǵa bılet satyp alýǵa bolady. Odan bólek biryńǵaı Smart Pass bar — bul kóptegen nysandy aralaýǵa múmkindik beretin bılet. Sondaı-aq eSIM, AI-gıd sııaqty qyzmetter qoljetimdi, — dedi ol.
Ǵalııa Toqseıitova qosymshanyń ishine elimizdegi tanymal taksı qyzmeti biriktirilgenin aıtty. Týrıst úshin bılet alý ne taksı shaqyrý úshin birneshe qosymsha júkteýdiń qajeti joq. Barlyǵy Smart Tourist qosymshasynda jınaqtalǵan.
— Qazir biz geımıfıkatsııa boıynsha jumys istep jatyrmyz, ıaǵnı Almatyny qyzyqty aralaý jolyn usynamyz. Biz bul bólimdi «Almosfera» dep atadyq, ol kvest-oıyn arqyly qalanyń kórikti jerlerin qamtıtyn bolady, — dedi vedomstvo basshysy.
Qazir qosymsha tekserilip jatyr. Al maýsym aıynda jappaı ónim retinde iske qosylmaq.
Eske salaıyq, Almatyda týrısterge arnalǵan qosymsha byltyr iske qosylýy tıis edi. Ol kezde platforma SuperApp dep ataldy.
