Almaty turǵyny jasaǵan quqyq buzýshylyq úshin oraldyq júrgizýshige aıyppul kelgen

ASTANA. KAZINFORM — Polıtsııa qyzmetkerleri Almaty qalasynda jalǵan nómirmen júrgen júrgizýshini anyqtady. 

Іshki ister mınıstrliginen túsken málimetke qaraǵanda, jol erejesin buzbasa da, Oral qalasynyń turǵynyna aıyppul kele bastaǵan. Bul jóninde ol polıtsııaǵa shaǵym túsirgen.

Tekserý barysynda anyqtalǵanyndaı, bireýi Oralda, ekinshisi Almatyda júrgen uqsas avtokóliktiń memlekettik nómirleri de birdeı bolǵan. Olardyń bireýi Almatyda jol qozǵalysy erejesin buzsa, sol úshin oraldyq júrgizýshi aıyppul ala bastaǵan.

— Quqyq buzýshynyń jalǵan memlekettik nómirdi paıdalanǵany belgili boldy. Polıtsııa qyzmetkerleri ony birneshe kún ishinde qolǵa túsirdi, — dep habarlady vedomstvodan.

Oral qalasynyń turǵyny máseleni jedel sheshkeni úshin almatylyq polıtseılerge alǵysyn bildirdi.

Eske sala keteıik, budan buryn BQO-da eki aıda esirtkige qatysty 60-qa jýyq quqyq buzýshylyq anyqtalǵanyn jazǵan edik.