Almaty turǵyny úı aýlasynda 165 túp qarasora ósirgen

ALMATY. KAZINFORM – Almatyda esirtki quramdas ósimdikterdi zańsyz ósirý deregi anyqtaldy.

Qalalyq polıtsııa departamentiniń málimetinshe, Alataý aýdanynda 32 jastaǵy qala turǵyny ustaldy. Ol óz aýlasynda qarasora ósirgen. Tekserý barysynda polıtsııa qyzmetkerleri men jedel-tergeý toby aýmaqtan 165 túp ósimdikti jáne zańsyz árekette paıdalanylǵan uıaly telefondy tárkiledi.

- Sot-hımııalyq saraptamanyń qorytyndysyna sáıkes, tárkilengen ósimdikter «kannabıs» (qarasora) túrine jatady, olardyń jalpy salmaǵy 23 keliden asty. Mundaı áreketter zańdy buzyp qana qoımaıdy, qoǵamnyń qaýipsizdigine de naqty qater tóndiredi. «Qarasora-2025»sharasy aıasynda profılaktıkalyq jumystarǵa, atap aıtqanda azamattarǵa qarasora ósirýdiń qylmystyq jaýapkershilikke ákeletinin túsindirýge erekshe kóńil bólinedi, – dedi Almaty qalasy Esirtki qylmysyna qarsy kúres basqarmasynyń bastyǵy Murat Jumabaev.

Eske salaıyq, buǵan deıin Qyzylordada esirtki ósirgen 47 adam ustaldy.