Almaty turǵyny qoǵamdyq kólikte jolaqyny tóleýdiń jańa túrin usyndy
ALMATY. KAZINFORM – Almaty turǵyny qala ákimimen bolǵan kezdesýde qoǵamdyq kólikterde karta nemese ekinshi deńgeıli bankterdiń qoldanbasy arqyly jolaqyny qashan tóleýge bolatynyn surady.
«Almaty ákimdigimen jolaqyny tóleý salasy boıynsha jasandy monopolıst quryldy, ol – «Almaty kólik holdıngi» JShS. Men basqa qalalarda jıi bolyp turamyn, olarda ekinshi deńgeıli bankter arqyly jolaqyny tóleý júıesi engizilgen. Men bul máseleni birneshe ret kóterdim, sizdiń orynbasaryńyz Asqar Kemeńgerulyna da jolyqtym. Alaıda, bul másele qazirgi kezde qaralyp jatqan joq… Bizde Almatyda kartany satyp alýǵa jáne sonymen jolaqyny tóleýdi májbúrleıdi. SMS túrinde balamasy bar ekeni ras, alaıda, kóp adam ony paıdalanýdy bilmeıdi», - dedi qala turǵyny.
Erbolat Dosaev ákimdiktiń bul másele boıynsha jumystar júrgizip jatqanyn aıtty.
«Jaqyn ýaqytta bizdegi kelisim aıasynda ONAY jáne júıeler arqyly tólem jasaý máseleleri sheshiledi. Biraq, basqa jerlerde basqasha tóleýden olardyń qoǵamdyq kóliktegi júrý sapasy jaqsardy ma eken? Bizde ýákiletti memlekettik organ – Básekelestikti qorǵaý jáne damytý departamenti bar. Eger suraqtaryńyz bolsa sonda habarlasassańyz bolady» - dedi Erbolat Dosaev.
Eske salsaq, Almaty ákimi Erbolat Dosaev bıyl 1 shildeden bastap megapolıstiń qoǵamdyq kólikterinde qyzmet kórsetýdiń jańa tásili engiziletinin aıtqan bolatyn.
