Almaty turǵyny qala ákimine: Tegin beriletin dárini satyp alýǵa májbúrmin

ALMATY. KAZINFORM - Alataý aýdanynyń turǵyny qala ákimi Erbolat Dosaevpen kezdesý barysynda tegin beriletin dárini satyp alyp otyrǵanyn aıtyp, shaǵymdandy.

- Meniń baýrym qalalyq psıhıkalyq densaýlyq ortalyǵynda esepte tur. Oǵan «shızofrenııa» dıagnozy qoıylǵan, 20 jyl boldy aýyrady, ekinshi toptaǵy múgedek. Biraq ortalyqtan tegin beriletin dárini satyp alýǵa májbúr bolyp otyrmyz. Galoperıdol dekanoat degen preparat salatynbyz, aptasyna bir ret. Qystan beri eki ret óz qarajatyma satyp aldym. Sondaı-aq azaleptol dárisin de satyp aldym. Osyndaı másele qashan sheshiledi, úkimetten bólinetin tegin dári qaıda, - dep surady Alataý aýdanynyń turǵyny.

Erbolat Dosaev qalaǵa tegin dári-dármek endi jetkizilip jatqanyn atap ótti.

- Memlekettik satyp alý protsedýrasy ótkenshe, jyl basynan beri dári kelgen joq. Tegin preparattardy jetkizý sáýir aıynda bastaldy. Qazir bólip jatyr. Esepte turǵan baýyryńyzdyń aty-jónin berińiz. Tekserip shyǵamyz, - dedi Almaty ákimi.

Osyǵan deıin psıhıatr-dáriger adamdar ádette týystarynyń shızofrenııamen aýyratynyn jasyratyny týraly aıtqan bolatyn.