Almaty turǵyny elektr qýatyn óndiretin qurylǵy oılap tapty
ALMATY. KAZINFORM — Almaty turǵyny Marat Palmahov elektr energııasyn óndiretin qurylǵy oılap tapty. Avtonomdy rejımde jumys isteıtin generator toqty sýdyń kómegimen óndiredi.
Ónertapqyshtyń aıtýynsha, balamaly energııa kózinen tok alýǵa 10 jyldan asa ýaqytyn sarp etken.
Kóp zerttep, birneshe márte synaqtan ótkizgen.
«Bul qondyrǵynyń ereksheligi — tabıǵatqa baǵynbaıdy. Kún qýaty, jel ekpini sııaqty eshnárse buǵan kerek emes. Ekologııaǵa zııany joq. Ózine kerekti kúshi — 180 Vt qana qoldanady. Al beretini — 10 kVt. Bul shaǵyn ǵana oryn alady. Toqty kóbeıtken saıyn úlken jer kerek emes. Munyń MVt, GVt úlkeıtýge bolady», — deıdi ol.
Marat Palmahov generatordy jasaýǵa 4 mln teńge jumsapty. Jumysy baǵalanyp, qoldaý taýyp jatsa budan basqa da jobalary bar.
«Ony iri zaýyt, fabrıkalarǵa ornatýǵa bolady. Tipti shalǵaıdaǵy aýyldardy da arzan toq kózimen qamtamasyz etýge úlken múkindik bar. Oǵan sheteldik mamandar qyzyǵýshylyq tanytyp otyr. Alaıda men aldymen óz elimizde kádege jaratqym keledi», — deıdi ónertapqysh.
Aıta keteıik, ónertapqysh qarapaıym quraldardan qurastyrylǵan týyndysyn patenttep alǵan.
