Almaty turǵyny 1-synyptaǵy balasynyń zorlanǵanyn málimdedi
Almatyda 1-synypta oqıtyn balaǵa seksýaldy sıpatta zorlyq-zombylyq áreketterin kórsetý babymen tergeý júrip jatyr, dep habarlaıdy QazAqparat tilshisi.
Jekemenshik mektepte oqıtyn balasynyń zorlanǵanyn anasy áleýmettik jelide jazdy.
«12 qyrkúıek kúni ulym mektepten shalbary jyrtylyp keldi. Kelesi kúni ony tigeıin dep otyrǵanymda, kózim aq daqtardy shalyp qaldy. Sol kezde balamnyń zorlyq-zombylyqqa ushyraǵanyn túsindim, janymda úlken qyzym bolǵan. Ekeýmiz polıtsııa shaqyrdyq», – deıdi áıel.
Aıtýynsha, uly ne bolǵanyn aıtpaǵan, biraq onyń psıhologııalyq jaǵdaıy 15 qyrkúıekten bastap qatty nasharlaǵan. Uıqysy buzylyp, qorqynyshty túster kórip, agressııaǵa jıi beriletin bolǵan. Qazir onymen psıholog jáne psıhoterapevt jumys istep jatyr.
Almaty qalalyq Polıtsııa departamenti bul derek boıynsha tıisti saraptamalar taǵaıyndalǵanyn habarlady.
«Qylmystyq is Bostandyq aýdany polıtsııa basqarmasynda QR QK-niń 121-baby 3-bóligi boıynsha tirkeldi. Іstiń obektıvti mán-jaılaryn anyqtaýǵa baǵyttalǵan tergeý sharalarynyń kesheni júrgizilýde. Tergeý barysy baqylaýda», – dedi Almaty qalalyq Polıtsııa departamenti bastyǵynyń birinshi orynbasary polkovnıgi Nurlan Almasbekov.
QR Qylmysty-protsestik kodeksiniń 201 babyna sáıkes ózge aqparat tergeý múddesine oraı jarııa etilmedi.
