Almaty turǵyndaryna jer silkinisi týraly habarlama nege kelmedi

ALMATY. KAZINFORM — 2026 jylǵy 17 aqpanda saǵat 15:09–da tirkelgen jer silkinisinen keıin almatylyqtar uıaly telefonyna tótenshe eskertý habarlamasynyń kelmegenin aıtyp, alańdaýshylyq bildirdi. Osyǵan baılanysty QR TJM resmı túsinik berdi. 

Vedomstvo málimetinshe, «Seısmologııalyq zertteý ınstıtýty» JShS stantsııalary tirkegen dúmpý Almatyda 2 ball bolyp sezilgen. Al avtomatty habarlaý júıesi tek 5 baldan joǵary qaýipti deńgeıdegi jer silkinisteri kezinde qosylady.

— Eskertý 5 baldan joǵary bolǵanda iske qosylady, — dep habarlady mınıstrlik.

Jer silkinisiniń oshaǵy Almatydan shyǵysqa qaraı 74 shaqyrym jerde ornalasqan.

Jer asty dúmpýi Almaty oblysyndaǵy Túrgen aýyly men Esik qalasynda 4 balǵa deıin sezilgen, al basqa eldi mekenderde 2-3 ball shamasynda tirkelgen.

Zardap shekkender men qıraǵan ǵımarattar týraly aqparat joq, derekter óńdelip jatyr.