Almaty turǵyndary Kóktóbedegi avtoturaq baǵasynyń kóterilgenine narazy
ALMATY. KAZINFORM – Almaty turǵyny Kóktóbege kólikpen kóterilý quny tym qymbattaǵynyna narazylyq bildirdi.
Ol áleýmettik jelide endi jeke kólikpen saıabaqqa shyǵatyndar 25 000 teńge tóleý keregin, al avtobýstaǵy jol júrý baǵasy adam basyna 4 000 teńge ekenin aıtqan.
Turǵyndardyń pikiri ekige bólindi. Bir bóligi kólikterdi múlde shekteý nemese jaıaý shyǵýdy usynsa, endi biri mundaı aqshaǵa basqa qalaǵa saıahattaýǵa bolatynyn aıtyp otyr.
Saıabaqtyń resmı saıtynda qazirgi tarıfter bylaı kórsetilgen:
• jeńil kólik – 25 000 teńge;
• mototsıkl nemese moped – 2 000 teńge;
• lımýzın – 30 000 teńge;
• 8-15 oryndyq mıkroavtobýs – 40 000 teńge;
• 15-50 oryndyq mıkroavtobýs – 50 000 teńge.
Sonymen qatar saıabaqqa aspaly jol arqyly da kóterilýge bolady. Bir adamǵa kótirilip-túsý bıletiniń quny – 10 000 teńge, al 6-12 jas aralyǵyndaǵy balalarǵa – 5 000 teńge.
Aıta keteıik, Kóktóbeniń avtoturaq tarıfteri jyldan jylǵa ósip keledi. 2023 jyly 5 000 teńgeden 7 000 teńgege kóterildi, 2025 jyly 15 000 teńgege, al 2026 jylǵy 1 aqpannan bastap 25 000 teńgege kóterilip otyr.
Eske salaıyq, buǵan deıin «Qazteleradıo» AQ Almatydaǵy strategııalyq nysan bolyp esepteletin Kóktóbe telemunarasyn týrıster úshin ashylatyny ne ashylmaıtyny jóninde túsinik bergen edi.