Almatylyqtar qaladaǵy kópirlerdiń aqaýlaryna qatysty másele kóterdi
ALMATY. KAZINFORM – Almaty ákimi Erbolat Dosaev pen qalalyq mobıldilik basqarmasynyń basshysy Saǵyndyq Telibaev shahardaǵy kópirlerdiń jigi nelikten ajyrap jatqanyn túsindirdi.
Túrksib aýdany turǵyndarynyń biri qala ákiminen kópirlerdegi aqaýlar týraly surady.
«Rysqulov dańǵylynda birneshe kópir bar jáne olarda mezgil-mezgil deformatsııalyq aqaýlar paıda bolyp turady»,- dedi ol.
Qalalyq mobıldilik basqarmasynyń basshysy Saǵyndyq Telibaevtyń aıtýynsha, qysta beton konstrýktsııalary qysqaryp, sonyń saldarynan deformatsııaǵa ushyraıdy.
«Rysqulov dańǵylynda bir kópir qaldy, ondaǵy aqaý jóndeledi, qarjy bólindi. Ózderińiz biletindeı, qysta beton konstrýktsııalary qysqarady, nátıjesinde deformatsııalyq ajyraý keńeıedi, al jazda kerisinshe. Sondyqtan rezeńke tigis toltyrǵyshtary jyrtylady. Ótken jyly alty kópir qurylymyna biz nemis óndirisiniń toltyrǵyshtaryn ornattyq»,- dep túsindiri basqarma basshysy.
Qala ákimi Erbolat Dosaev qazir qolaıly tehnologııalar izdestirilip jatqanyn jetkizdi.
«Kópir qurylymdary qozǵalady, sondyqtan biz ońtaıly sheshimderdi izdeımiz. Biz ártúrli tehnologııalardy qarastyramyz, endi nemis tehnologııasynyń qalaı bolatynyn kóremiz»,- dep atap ótti ákim.
