15:27, 20 Qyrkúıek 2024 | GMT +6
Almatyda turǵyn úı órtenip, 30 adam evakýatsııalandy
ALMATY. KAZINFORM - Naýryzbaı aýdanynda bes qabatty turǵyn úıdiń birinshi qabatynda órt shyqty. Qalalyq TJD málimetine sáıkes, 20 sharshy metr alańdy jalyn sharpyp, jıhaz jáne úı zattary órtengen.
Qutqarýshylar avtosatymen jáne baspaldaqpen 14 adamdy, onyń ishinde 5 balany qutqardy. Odan bólek 16 adamdy evakýatsııalandy.
«Qutqarýshylardyń jedel áreketteriniń arqasynda órt sóndirildi. Zardap shekkender joq, órttiń shyǵý sebebi aldyn ala boljam boıynsha elektr symdarynyń qysqa tuıyqtalýy», - dep habarlady TJD baspasóz qyzmeti.
Eske salaıyq, buǵan deıin Almatydaǵy jer úılerden 270 retten astam órt qaýipsizdigi erejelerin buzý jaǵdaılary anyqtalǵanyn jazǵanbyz.
Sondaı-aq birneshe kún buryn Almatyda Baraholka bazary órtendi.
